COMITE DE SILENCIO
May 18, 2007
Buko ading pigtubog na bagay.
Kinutkot ading galin kabatwan ag lanipgang
mga kariribukan,
kinaykay sa sunson na rarom kana mga baybay
na mga pagririnabungan ag kariribungan,
binaga, dinalisay sa kalayo
kana mga bungguan sa payo.
Ana linuwas akong ako,
uda salak ag purong-puro
a bulawan kong pagka-silencio.
Ironggon ana lutow a mga tono
sa entablado, sira nagaarana
ka talinga kana publiko, mga salog
na makarawkasaw ana sulog,
alagad madaling matukran,
madaling matugkaran ana kasagkuran.
Diri ninyo masusukol a kanakong rarom,
o ulaton akong makarumrom o magparumrom.
Pirme sana ko san ula-an,
baga na su unang aldow sa Grade I,
nagmamasid sana, naguulat na magbagting
ag paulion na ni mam.
Magbat ana rira ko, ag a mga ngangabilon
mal na pagparasayangon.
Kin mabubuka man a kanakong nganga
a rason sana ta recess na.
Nungka kamong mag-asa
na ako mighands-up ka kamot
o kaya mig-recite na baga na san klase.
Sinubol ako ni Daddy sadi na matoninong,
ilom man baga su boses ni Ninoy
ku kamo abrasahon.
Ag bukong a kanako kunong tinitundugan
kamong mga ngula ag mga palang kadaklan?
(San Jose, Ca. May 18, 2007)
Leave a Reply